Мұндай нормалар "Қазақстан Республикасының кейбір заңнамалық актілеріне кредит беру кезінде тәуекелдерді азайту, қарыз алушылардың құқықтарын қорғау, Қаржы нарығын реттеу және Атқарушылық іс жүргізуді жетілдіру мәселелері бойынша өзгерістер мен толықтырулар енгізу туралы" заңға енгізілген.
"Мерзімді әскери қызмет өткеру кезеңіне қарызды өтеу бойынша заңда көзделген кейінге қалдыруды 60 күнге ұзарту ұсынылады. Бұл әскерден қайтқан қызметшіге оның жұмысқа орналасуы мен төлем қабілеттілігін қалпына келтіру үшін тиісті уақыт беруге мүмкіндік ретінде қарастырылған", – деді сенатор.
Оның айтуынша, бұл несиеден босату деген сөз емес.
"Банктер мен микроқаржы ұйымдары оларға пайыздар қосу немесе т.б төлем талаптарын қоймайды. Бірақ бұл деген несие есептен шығарылады деген сөз емес. Тек төлем 60 күнге кейінге қалдырылады. Бұл уақыт мерзімді қызметкердің өзіне жұмыс табуына, яғни қаржылық қалпына келуі үшін беріледі", – деп түйіндеді Карплюк.
Сонымен қатар, ол Қазақстанда енді несиені тек биометрия өткен жағдайда ғана берілетінін атап өтті.
Оқи отырыңыз
