Келес ауданы әкімдігінің мәліметінше, олар - Өзбекәлі Жәнібеков атындағы №2 мектеп-гимназиясының түлектері. Бұл мектепте биыл 100 оқушы мектеппен қоштасады.
Ақылбек пен Асылбек, Батпа мен Зәуре, Аяужан мен Аружан есімді егіздерді сынып жетекшісі Ләззат Анарқұлқызы оқуда да озат екенін айтты.
"Данабай Ақылбек "Алтын белгіге", Данабай Асылбек "Үздік аттестатқа" үміткер. Жігіттердің анасы Жанар Арынова мектепте мұғалім болып жұмыс істейді. Ал көпбалалы отбасында тәрбиеленіп жатқан Батпа тігін цехын ашқысы келсе, Зәуре сұлулық салонында жұмыс істеуді мақсат еткен. Аружан мен Аяужан болса, бірдей заң саласында қызмет ету үшін "Тарих-Құқық" сияқты пәндерді таңдап отыр", - дейді мектеп мұғалімі.