Тіпті, жоғары қабаттағы көршіңіз төбеңізден сорғалатып су ағызса да, үйіңізге ұры түссе де, келген шығынды сақтандыру компаниясы өтейді.
Осылай баспанаңызбен қатар ішіндегі мүлкін де сақтап, алаңсыз жүруге болады. Бірақ, біздің халық баспанасын сақтандырудыруға асықпайды әрі дағдыланбаған, деп жазады qazaqstan.tv.
Ал, Түркия 1999 жылы елдің бірнеше облысында болған алапат жер сілкінісінен кейін түрлі табиғи апаттарға қарсы үй-мүлікті сақтандыруды мәжбүрлі қылды. Жылына бір рет төленетін мемлекеттік сақтандырудың құны әр қалада әр түрлі. Мәселен, Ыстамбұлда 4 бөлмелі пәтер үшін жылына шамамен 50 мың теңгедей төленеді.
"Тұрғындар табиғи апаттарға қарсы сақтандыру жасамаған жағдайда мемлекет үйдің құжаттарын бермейді. Тіпті су, жарық, газды да қостыра алмайсыз. Алайда сақтандыру құны қымбат емес. Оның үстіне жылына бір рет қана төлейсіз." Нұр Синем Коуроу, Сақтандыру компаниясының басшысы
Сенатор Бибігүл Жексенбай халықтың дені сақтандыру тетіктерінен хабарсыз екенін айтады.
"Біздің елімізде адамдармен жұмыс істеу, сақтандыру компаниясы тарапынан болсын, мемлекет тарапынан болсын, әлі де төмен. Сақтандыру жүйесі туралы адамдардың сауатын ашу. Бұл тұрғыда дамыған мемлекеттерде мектеп жасынан бастап, жауапкершілікті күшейтетіндей, арнайы сабақтар жүргізіледі." Бибігүл Жексенбай, ҚР Парламенті Сенатының депутаты
Бізде де осы бағытта жұмыс істеу керек, - дейді депутат. Дегенмен, биылғы су тасқынынан кейін ерікті сақтандыру бірден 77 пайызға өскен. Астана көш бастап тұр. Ал, Алматыда бұл көрсеткіш 15 пайызға да жетпейді. Өңірлерде тіпті бір пайыздан да аспайды.
