Түркістан облысы әкімінің баспасөз қызметінің мәліметінше, ерекше күтімді қажет ететін "Виктория" қарбыз сорты сәуір айының басында Атамекен ауылдық округіне отырғызылған.
Қажетті агротехникалық шаралардың дер кезінде жасалуының нәтижесінде пісіп жетілген қарбыздан ойдағыдай өнім алынады деп жоспарланып отыр. Ағын суды үнемдеу мақсатында енгізілген тамшылатып суғару әдісі өнімнің артуына да септігін тигізді.
Шаруа қожалығындағы осындай еңбек қызметінің жемісі қазір кг үшін 150-170 теңгеге бағалануда.
"Алғашқы өнімді қазір Ресейге жіберіп жатырмыз. Кейін сұранысқа қарай өзге де өңірлерге жібереміз",- дейді шаруа қожалық төрағасы Асан Мубинов.
Айта кетейік, Түркістан облысында бананның алғашқы өнімі мамырда жиналған.
