Кадрларда көліктің жанында яғни көшеде ер адам әйелдің шашынан сүйреп, басынан ұрып, тепкісі келетіні көрінеді. Сосын көлікке отырып кетіп қалады.
Астана полиция департаментінің баспасөз қызметі оқиғаға қатысты түсініктеме берді. Ер адамның азаматтық некедегі әйелі зорлық-зомбылықтың құрбаны болғаны белгілі болды.
"А.Ш бірге тұратын азаматтық некедегі әйеліне дене жарақатын келтіру фактісі бойынша сотқа дейінгі тергеу басталды.Қажетті сараптамалар тағайындалды. "Қазір барлық мән-жайлар анықталуда", - деді полиция.
16 маусымда әйелдердің құқықтары мен балалардың қауіпсіздігін қамтамасыз ету туралы заңнамаға өзгерістер күшіне енген, сонымен қатар, ұрып-соғу және денсаулыққа қасақана жеңіл зиян келтіру қылмыстары қарастырылғанын еске саламыз.Өзгерістерге сәйкес қылмыс құрамдары Әкімшілік құқық бұзушылық туралы кодекстен Қазақстан Республикасының Қылмыстық кодексіне ауыстырылды.
17 маусым күні таңертең Атырау полицейлері азаматтық некедегі әйеліне кіре берісте шабуылдап, бірнеше жерден пышақтап сұққан ер адамды іздеп жатқаны белгілі болды.