"Қазгидромет" РМК мәліметтері бойынша, алдағы күндері Қазақстанның батысында бірнеше күн бойы сақталып тұрған аптап ыстықтың беті қайтады деп күтіледі, яғни 22 маусымда ауа температурасы мол жауын-шашынның есебінен бұрынғы климаттық қалыпқа оралады.
"Еліміздің солтүстігі мен орталығында жауын-шашын аздап тоқтап, одан кейін қайта екпін алады: найзағай ойнап, жаңбыр жауады, кейбір аймақтарда бұршақ аралас жаңбыр жауады, қатты жел тұрады деп болжанады. Ал республикамыздың оңтүстігіндегі таулы аудандарда күндіз ыстық-суық ауаның жылдам алмасуынан әлі де тұрақсыз ауа райы сақталады. Тек шығыс өңірлерде күн райы ашық болатыны болжанады", - деп атап өтті синоптиктер.
Алдағы күндері Астана, Алматы және Шымкент қалаларында ауа райы қандай болатынын мына арадан білуге болады.