Мөлдір Әбдуәлиева былтырғы жылы Астана су қоймасындағы су көлемі қаланы ауыз сумен толық қамтамасыз етуге мүмкіндік бермегенін, соның салдарынан Қ.Сәтбаев су қоймасынан канал арқылы су тартуға тура келгенін айтты. Сондай-ақ, бұл өте қымбатқа түскен.
"Биыл Астана су қоймасы жыл бойы елорда тұрғындарын ауыз сумен қамтамасыз етуге жеткілікті. Қарағанды облысының су қоймалары толығымен толтырылды. Олардан жиналған су жыл бойы аймақ экономикасының қажеттіліктерін толық қанағаттандыруға мүмкіндік береді", - деп қосты ол.
Жалпы, оның деректері бойынша, бүгінде Қазақстанның су қоймаларында 75 млрд текше метр су жиналды, бұл 2023 жылмен салыстырғанда 15 млрд текше метрге артық.
