Жаркентте бес адам өзеннің ортасына дейін өтіп, өз бетінше жағаға орала алмаған

Жетісу облысы Панфилов ауданы Жаркент қаласынан 10 шақырым қашықтықта орналасқан Өсек өзенінде 5 адамнан тұратын топ (оның ішінде 3 бала) өзеннің ортасына дейін аралға өтіп, өз бетінше жағаға орала алмаған.

Оқиға орнына Жетісу облысы құтқару қызметінің құтқарушылары дереу шығып, құтқару жұмыстарын жүргізді.

Құтқарылғандарға медициналық көмек қажет болмады.