Алматы – жастар қаласы, мұнда 14 пен 35 жас аралығындағы 695,6 мың жас тұрады.
Осы ретте, ағымдағы жылдың 3 тамызы мен 12 тамыз аралығында 10 бағыт бойынша ("Taza Qazaqstan", "Jas kelse. Iske!", "Densaulyk – zor bailyk", "Gylym tappai maqtanba", "Meyirimdilik mekeni", "Adal Azamat", "Enbek barin de jenbek", "Ystyq qairat. Nurly aqyl. Jyly jurek", "Qorgan-24", "Jasratmen birge") жастардың шығармашылық әлеуетін асыруға және салауатты өмір салтын қалыптастыру мақсатында іс-шаралар ұйымдастырылады.
"1999 жылдан бастап бүкіл әлемде 12 тамызда Халықаралық Жастар күні атап өтіледі. Бұл жастарға, олардың жетістіктері мен әлеуетіне арналған ерекше күн. Біз қарқынды өзгерістер мен жаһандық сын-қатерлер дәуірінде өмір сүріп жатырмыз. Жастар батылдық пен шығармашылықтың үлгісін көрсете отырып, осы процестердің алдыңғы қатарында. Біздің міндетіміз – сапалы білім алуға, денсаулық сақтауға және жұмысқа орналасу мүмкіндіктеріне қол жеткізуді қамтамасыз ете отырып, олардың дамуы үшін қолайлы жағдайлар жасау", — деді Алматы қаласы жастар саясаты басқармасының басшысы міндетін атқарушы Азиз Кажденбек.
12 тамыз — Халықаралық Жастар күні күні қала кәсіпкерлерімен бірлесіп, 14-35 жас аралығындағы жастарға арналған "Jas Almaty" ауқымды акциясын өткізу жоспарланған. Іс-шара аясында қоғамдық тамақтану мен пайдалы демалыс саласында жеңілдіктер жасалады.
Іс-шаралар туралы қосымша ақпаратты jas.almaty және комьюнити-орталықтардың инстаграм парақшаларынан көре аласыздар.