Болжамға сәйкес, солтүстік-батыс циклонының ықпалына сәйкес Қазақстанның басым бөлігінде тұрақсыз ауа райы сипаты сақталады: найзағай ойнап, бұршақ түседі, қатты жел тұрып, жаңбыр жауады, еліміздің солтүстік-батысында қатты жаңбыр жауады деп күтіледі.
"Республика бойынша ортақ табиғи құбылыс - желдің екпін алуы. Еліміздің солтүстік-батысында тұман түседі, күндіз Алматы және Жетісу облыстарында қатты ыстық сақталады деп болжанады". "Қазгидромет" РМК
Сондай-ақ, синоптиктер Атырау, Абай облыстарында, Ұлытау өңірінің солтүстігінде, Жетісу облысының шығысында, Батыс Қазақстан облысының оңтүстігінде, шығысында, орталығында, Маңғыстау облысының батысында, оңтүстік-шығысында, Алматы облысының оңтүстік бөлігінде өрт қаупі жоғары болатынын айтты.
Маңғыстау, Қызылорда, Түркістан, Алматы, Жамбыл, Жетісу облыстарында, Атырау өңірінің оңтүстік-батысында, солтүстік-шығысында, Шығыс Қазақстан облысының оңтүстігінде, орталығында, Қарағанды өңірінің шығысында, оңтүстігінде, Ұлытау облысының оңтүстігінде, Абай облысының батысында, солтүстік-батысында, оңтүстігінде төтенше өрт қаупі сақталады.
Бұған дейін синоптиктер 2024 жылдың күз айларына арналған ауа райының алдын ала болжамын ұсынған болатын.