Instagram-дағы парақшасындағы жазбасында өңір басшысы ардагердің отбасы мен жақындарына көңіл айтады.
"Дмитрий Сергеев – нағыз батыр, отанымыздың тарихындағы қиын-қыстау заманнан сүрінбей өткен азамат. Ардагеріміздің өмірі мен ерлігі жас ұрпаққа нағыз үлгі. Аға буынның ерліктері ешқашан ұмытылмауы керек. Дмитрий Петровичтың жарқын бейнесі мәңгі жадымызда", деп жазды Ғауез Нұрмұханбетов.
Дмитрий Петрович 18 жасында соғысқа аттанып, жөндеу взводында, 72-ші байланысшылар жобалау-монтаж тобында бөлімше командирі болды. Оңтүстік Сахалин, жапон соғысына қатысты. Екінші дәрежелі Отан соғысы орденімен, "Жапонияны жеңгені үшін" медалімен марапатталған. Соғыстан кейін Куйбышев және Ленин атындағы зауыттарда 30 жылдан аса еңбек етті.
