"Қазгидромет" РМК мәліметінше, демалыс күндері республиканың басым бөлігінде ауқымды антициклон әлі де сақталады, сондықтан ауа райы жауын-шашынсыз болады.
"Тек елдің солтүстігінде, шығысында және орталығында атмосфералық фронтальды бөліктердің өтуімен жаңбыр жауады, республиканың шығысында түнде қарға айналуы мүмкін. Республика бойынша жел күшейеді деп күтілуде. Түнде және таңертең республиканың солтүстігінде, солтүстік-батысында және шығысында тұман күтіледі, 16 қыркүйекте топырақ бетінде -2°С дейін аяз болады", — делінген хабарламада.
Сондай-ақ синоптиктер республиканың әр өңірінде күндіз қандай ауа температурасы күтілетінін айтты:
- батыста +20+30°С,
- солтүстік-батыста +12+25°С,
- шығыста +5+18°С,
- оңтүстігінде +23+32°С,
- республиканың солтүстігі мен орталығында +15+23°С-тан +10+18°С-қа дейін төмендейді,
- оңтүстік-шығыста +10+23°С-тан +15+27°С-қа дейін көтеріледі.
Бұған дейін синоптиктер 2024 жылдың қыркүйегінде қазақстандықтарды қандай ауа райы күтіп тұрғанын айтқан болатын.