ҚР Жоғарғы сотының мәліметінше, жеке кәсіпкердің оларды заңсыз пайдаланғаны туралы білген компания одан құқықтарын бұзғаны үшін өтемақы өндіру туралы сотқа жүгінді.
"Сотта жеке кәсіпкер тауарларды көтерме бағадан төмен бағаға (Zara және Oysho маркалы футболкалар, шалбарлар, джинсы шалбарлар, көйлектер, әйелдерге арналған леггинстер және т.б.) адалдықпен сатып алғанын көрсетті. Өзіне беймәлім сатушыдан қолма-қол ақшамен сатып алған. Содан кейін ол өз иелігіндегі бутикке оларды сатуға қойған. Ол аналогтық брендтерді сатуға лицензия және рұқсат қажет екенін білмегенін айтқан",- делінген сот таратқан ақпаратта.
Кәсіпорын мен Әділет департаментінің өкілдері бутиктен компанияның тауар белгілерімен заңсыз таңбаланған құны 2 миллион теңгеден асатын 117 тауарды тәркіледі.
Әкімшілік құқық бұзушылық істері жөніндегі сот жеке кәсіпкерді тауар белгісін заңсыз пайдаланғаны үшін кінәлі деп тапты. Жеке кәсіпкер әкімшілік жаза ретінде 100 мың теңге айыппұл төлеген.
"Сот жеке кәсіпкердің азаматтық айналымда "Zara" және "OYSHO" тауар белгілерін рұқсатсыз пайдаланғанын ескере отырып, компанияның талап қоюын қанағаттандырып, жеке кәсіпкерден компанияның құқығын бұзғаны үшін 2 миллион теңгеден астам өтемақы өндірді",- деп атап өтті сот.
Жеке кәсіпкер бұл сот шешіміне апелляцияға шағым түсірді. Алайда облыстық сот бірінші сатының шешімін өзгеріссіз қалдырды.
Шешім заңды күшіне енді.
Оқи отырыңыз
