Оқиға Қалбатау ауылындағы бұрынғы сүйіктісінің үйіндегі жанжалдан кейін болған. Жанжал кезінде ер адам бұрынғы әйелінің смартфонын сындырып, бетінен жұдырықпен ұрып, кейін әйелді көлігінің жүксалғышына итеріп салып, ұрлап кеткен.
Облыстық соттың баспасөз қызметі әуеліде Қазақстан Республикасы Қылмыстық кодексінің 125-бабы 2-бөлігінің 3-тармағы "Өмірге немесе денсаулыққа қауіпті күш қолдана отырып, адамды ұрлау" бойынша іс қаралғанын айтты:
"Прокурор соттан ер адамның әрекетін Қазақстан Республикасы Қылмыстық кодексінің 125-бабының 1-бөлігімен саралауды сұрады, өйткені ол күш қолданбаған, жәбірленушінің өмірі мен денсаулығына қауіп келтірмеген. Әйелдің өзі сотталушыны кешіргенін және оны қатаң жазалмауды өтінді".
Ер адам жасаған әрекетіне өкініп, болған оқиғаға өкінетінін айтты.
Нәтижесінде сот сотталушының әрекетін Қазақстан Республикасы Қылмыстық кодексінің 125-бабының 1-бөлігімен қайта саралап, оны төрт жылға бас бостандығынан айыру жазасын тағайындады.
Үкім заңды күшіне енген жоқ.
