Таңғы сағат 6:00-де Қаражанбас кен орнындағы №236 референдум учаскесі жұмысын бастап, өндірістік цехтар мен бөлімшелер қызметкерлері дауыс беруге кірісті.
Сурет: Маңғыстау облысының әкімдігі
Сурет: Маңғыстау облысының әкімдігі
Ең алдымен мұнай өндіру цехтары жұмысшылары өз конституциялық құқықтарын пайдаланды. Бұдан соң өзге де қаражанбастықтар іс-шараның еліміз үшін маңыздылығын түсіне отырып, кезекпен бюллетень алып, азаматтық ұстанымын білдірді.
Сурет: Маңғыстау облысының әкімдігі
Бұдан бөлек орталық кеңсе қызметкерлері мен вахтааралық демалыстағы жұмысшылар тұрғылықты жері бойынша учаскелерде дауыс берді. Комиссия мүшелері мен бақылаушылар сайлау учаскесінде референдумды ұйымдастыру деңгейінің жоғарылығы мен қатысушылар белсенділігін атап өтті.