Қазақстанның еңбек сіңірген артисі, белгілі театр және кино актрисасы Лидия Кәденова Қазақстандағы атом электр станциясын салу жөніндегі референдумға қатысты. Ол Алматы экономикалық колледжінде орналасқан №101 сайлау учаскесіне ұлы, танымал қазақ әншісі Дидар Кәденмен бірге келді.
Сурет: Алматы әкімдігінің баспасөз қызметі
"Мен үшін референдумда қатысу, еліміздің белсенді азаматы ретінде пікірімді білдіру маңызды. Менің ойымша, әркім Қазақстанның болашағына үлес қосуы керек, ал бұл референдум соның бір мүмкіндігі", – деді актриса.
Еске салайық, бүгін Қазақстанда республикалық референдум өтіп жатыр, сағат 14:00-ге дейін халықтың 51,77%-ы дауыс берген. Алматыда 624 сайлау учаскесі жұмыс істейді, олар 20:00-ге дейін ашық.