Алматы облысы ПД ақпаратынша, жедел-іздестіру іс-шаралары нәтижесінде 21 қазанда уақытша ұстау изоляторынан қашқан күдікті Тереңқара ауылының шетінде тұтқындалған.
Іздестіру жұмыстары басталған сәттен бастап полицияның барлық күштері жұмылдырылды, сондай-ақ іздеу шараларына келесі топ өкілдері белсенді түрде атсалысты.
- ТЖД жеке құрамы,
- қоғамдық көмекшілер,
- еріктілер,
- облыс тұрғындары тарапынан құрылған ерікті жасақтар.
Күдікті қайтадан уақытша ұстау изоляторына қамалды. Оған жасалған негізгі қылмысқа қосымша қамаудан қашқаны үшін айып тағылады.
"Полиция іздеу шараларына қолдау көрсеткен барлық азаматтарға алғыс білдіреді",- делінген ақпаратта.
22 қазанда қашқынның жеке басы анықталып, іздеу жарияланған болатын.