Қуандық Қажкенов тұрғын үй саясатын реформалау жұмыстары жүргізіліп жатқанын атап өтті.
"Қазіргі уақытта халықтың әлеуметтік осал топтары мен мүгедек балаларды тәрбиелеп отырған отбасылар, I-II топтағы мүгедектер үшін бұрын берілген жалдамалы тұрғын үйлерді сатып алусыз жекешелендіру құқығын беру мәселелері бойынша түзетулер енгізілді.I-II топтағы мүгедектер коммуналдық тұрғын үйді тегін жекешелендіретін болады, — деп атап өтті Қажкенов.
Оның айтуынша, заң жобасы тұрғын үй алуда, оның ішінде мүгедек балалары бар немесе тәрбиелеп отырған отбасыларға, I-II топтағы мүгедектерге басым құқықтарды беруді көздейді. Бұл мүмкіндігі шектеулі жандардың өмір сүру жағдайын жақсартуға мүмкіндік беретіні атап өтілді.
2024 жылдың 6 қарашасында Еңбек және халықты әлеуметтік қорғау министрі Светлана Жақыпова соңғы үш жылда Қазақстанда балалық шақтағы мүгедектіктің артқанын мәлімдеді.
