Министр ГРЭС-1-де бірінші блок бойынша жұмыстар жүріп жатқанын атап өтті.
"Жақын арада іске қосу-баптау жоспарлануда. Жыл соңына дейін іске қосуды жоспарлап отырмыз. Біз өз мақсаттарымызды шетке ысырмаймыз", — деді Сәтқалиев.
Сонымен қатар, журналистер ГРЭС-2-де екі энергоблок салу жоспарына қатысты жағдайды нақтылады.
"Жоқ. Онда алдын-ала техникалық-экономикалық зерттеулер жүргізілуде. Қазақстан мен Ресей тарапынан барлық рәсімдер аяқталды. Жалғыз нәрсе, қарыз қаражатын арзандату үшін Үкімет тарапынан субсидиялар беру туралы мәселе ашық күйінде қалып отыр. Яғни, біз қазір ресейлік әріптестеріміздің шешімін күтудеміз", — деді министр.
Бұған дейін Энергетика министрінің мұнай экспортындағы жоспарлар туралы айтқаны хабарланған болатын.