Соңғы 2 жылдың бедерінде бұл бойынша нақты жүйелі жұмыстар қолға алынды. Айталық, осы мақсатта бүгін жаңа 20 автобус ел игілігіне берілді.
Шараға қала әкімі Бақытжан Орынбеков қатысып, қоғамдық көліктердің кілтін салтанатты түрде табыстады.
Сурет: Тараз қаласы әкімдігінің медиа орталығы
Атап айтсақ, "ӘулиеатаТрансПасс" ЖШС тарапынан жеткізілген 15 бірлік "Isuzu" маркалы автобустардың 8-і №44, қалған 7-еуі №23 маршруттардағы ескірген көліктерді алмастырады. Ал "RashLau" ЖШС-не тиесілі 5 автобустың 3-еуі №13 маршрутқа берілсе, 2-еуі №18 бағытты толықтырады. Өзбекстанда шығарылған 70 адамға арналған аталмыш автобустың барлығы төмен еденді пандуспен жабдықталған.
Сурет: Тараз қаласы әкімдігінің медиа орталығы
Жалпы үш жылға бағытталған даму картасы аясында көне шаһарға 2023 жылы 73 бірлік жаңа автобус жеткізілсе, биылдың өзінде олардың қатары 155 автобуспен толықты. Осылайша биылға жоспарланған 70 автобус алу бойынша меже артығымен орындалды.
Сурет: Тараз қаласы әкімдігінің медиа орталығы
Осының нәтижесінде №13, №18, №41 бағыттар қайтадан іске қосылса, №28, №34, №46, №54, №55, №61, №33, №40, №16, №44 маршруттарда қызмет көрсететін автобустар толықтай, ал №12, №23, №29, №27 бағыттар ішінара жаңа қоғамдық көліктерге алмастырылды.
Сурет: Тараз қаласы әкімдігінің медиа орталығы
Бұған дейін Тараз қаласының шегіне бірқатар жерлер қосылғаны хабарланған болатын.