"Қазгидромет" РМК деректері бойынша, республикамыздың басым бөлігінде антициклон әсерінен жауын-шашынсыз ауа райы сақталады.
"Республикамыздың батысында, солтүстік-батысында ғанаатмосфералық фронтальды бөліктердің жылжып өтуіне байланысты түнде қар жауып, күндіз жауын-шашын (жаңбыр мен қар), көктайғақ болады деп күтіледі. Республикамыз бойынша ортақ табиғи құбылыс - тұманның болуы. Еліміздің солтүстік-шығысында, оңтүстік-шығысында жел екпін алады деп күтіледі", делінген болжамда.
Сондай-ақ, Жетісу облысының Алакөл көлдері ауданында оңтүстік-шығыстан соққан желдің екпіні 30 м/с және одан да жоғары дегейде дейін жетеді деп күтіледі.
Қазақстан қалалары бойынша алдағы үш күнге, 2025 жылғы 14-16 қаңтар аралығына арналған ауа райы болжамымен мына арадан танысуға болады.