"24KZ" дерегінше, 2024 жылғы күзден бері өзен бөгетінің 7 учаскесі нығайтылды. Бүгінде облыс аумағына Сырдария арқылы секундына 457 текше метр су жіберіліп отыр. Оңтүстік аудандарда толық мұз қатып үлгермеген. Сондықтан кез келген сәтте қауіп туындауы мүмкін.
Мамандар тасқынға қарсы шаралар аясында инертті материалдар мен техникалар және эвакуациялық бекеттер дайын екендігін айтып сендіруде.
"Қармақшы ауданы Қорқыт ата станциясының тұсында нығайту жұмыстары жүргізілуге тиіс болатын. Мейлінше биылға үлгермеді, қазіргі уақытта тиісті жұмыстар дайындалып, бітіреміз деген жоспар бар. Барынша дайындық әзірлікте, қай уақытта, қандай мөлшерде су келсе де, төтенше жағдайдың алдын алу бағытында пысықтап, әзірлеп отырмыз".Бейбітхан Спанов, облыстық ТЖД басқарма басшысы
Бұған дейін Петропавлда стадион өртеніп кеткендігі хабарланған болатын.