Сондықтан биыл электр жүйелерін жаңартуға қазынадан 2 миллиард теңгеден аса қаржы бөлінді. Бұл ақшаға Қайнарбұлақ және Құрсай шағын ауданындағы қосалқы станциялар жөнделеді.
Мегаполис халқын тұрақты әрі сапалы электр қуатымен қамту мақсатында былтыр 5 шағын ауданның аумағында құрылыс жүрді, деп жазады qazaqstan.tv.
Нәтижесінде 6 мыңнан аса тұрғыны бар "Екінші Асар", "Бозарық" "Қайнарбұлақ" аймағы жарықтандырылды. Сондай-ақ қаланы жарықпен қамтамасыз етуші мекеменің инвестициялық бағдарламасы аясында 180 шақырым магистральді желі жаңғыртылған.
"Ол мекемеде 5 жылдық инвестициялық бағдарламасы бекітілген. Сол бағдарлама аясында 150-200 шақырым желі жаңғыртылып отырады. Соның есебінен тозу деңгейі жыл сайын төмендейді." Шоқан Айдарбек, Шымкент қалалық энергетика және инфрақұрылымды дамыту басқармасының бөлім басшысы