"Қазгидромет" РМК деректері бойынша, Скандинавия аумағынан Қазақстанға жылжып келген антициклон әсерінен, негізінен жауын-шашынсыз ауа райы қалыптасады.
"Қазақстанның батысында, солтүстік-батысында және оңтүстігінде тұман, еліміздің орталығында, оңтүстігінде, оңтүстік-шығысында, шығысында қатты жел болады деп күтіледі", делінген болжамда.
Бұған дейін синоптиктер циклон әсерінен 2025 жылғы 28-30 қаңтар аралығында Қазақстанға тұрақсыз ауа-райы болатынын ескерткен. Алдағы үш күнде Астана, Алматы және Шымкентте ауа-райы қандай болатынын мына жерден біле аласыздар.