Бұл туралы Еңбек және халықты әлеуметтік қорғау министрлігі 2025 жылғы 4 ақпанда мәлімдеді.
Ведомство осының бәрі отбасының цифрлық картасын (ОЦК) енгізудің нәтижесінде екенін нақтылады. Ол мемлекеттік органдардың қолданыстағы барлық ақпараттық жүйелерінің деректері негізінде қалыптастырылады.
Бүгінде онда Қазақстанның 20 млн азаматы немесе 6,2 млн-нан астам отбасы туралы ақпарат жинақталған.
Қазіргі уақытта ОЦК мемлекеттік қолдау шараларын алуға құқығы бар қазақстандықтарға қандай да бір өтініштерсіз жәрдемақылар мен әлеуметтік төлемдердің 10 түрін ресімдеуге мүмкіндік береді. Олар
- еңбек ету қабілетінен айырылған жағдайда әлеуметтік төлем,
- жұмысынан айырылған жағдайда әлеуметтік төлем,
- асыраушысынан айырылу бойынша әлеуметтік төлем немесе жәрдемақы,
- мүгедектігі бар баланы тәрбиелеп отырған ата-анасына (қамқоршысына) жәрдемақы,
- мүгедектігі бойынша жәрдемақы,
- көпбалалы отбасыларға берілетін жәрдемақы,
- "Алтын алқа" және "Күміс алқа" алқаларымен марапатталған көпбалалы аналарға берілетін жәрдемақы,
- атаулы әлеуметтік көмек,
- жерлеуге арналған біржолғы төлем.
Сондай-ақ, ОЦК арқылы зейнетақы төлемдерін алу мүмкіндігі, "қандас" мәртебесі берілгенде немесе ұзартылғанда мәртебенің аяқталу мерзімі және жұмыссыз адамдар үшін жұмыспен қамту шаралары туралы автоматты хабарламалар іске асырылды.
Айта кету керек, мемлекеттік қолдау шараларын алуға құқық белгіленген кезде әлеуетті алушыға 1414 бірыңғай байланыс орталығынан SMS-хабарлама жіберіледі.
"Хабарлама алған азамат оған келісімі туралы жауап беруі керек. Өтінішті ресімдеу және әлеуметтік жәрдемақы немесе төлем тағайындау автоматты режимде жүргізіледі, содан кейін ақша қаражаты алушының банк шотына аударылады". ҚР Еңбек және халықты әлеуметтік қорғау министрлігі
Қорытындылай келе, алаяқтық тәуекелін болдырмау мақсатында 1414 бірыңғай байланыс орталығынан келіп түскен SMS-ке жауап беру қажеттігі атап өтілді.