Спикер өткен жылдың қорытындысы бойынша 1,1 млн тоннадан астам ет өндірілгенін айтты.
"Бұл біздің сиыр еті мен қой етіне деген қажеттілігімізді толығымен жабады. Егер өткен жылдың қорытындысына қарасақ, өндіріс көлемі шамамен 4%-ға, оның ішінде сиыр еті – 2%-дан астам көрсеткішке өскен. Бұл шаралар бізге халықтың етке деген қажеттілігін толық қамтамасыз етуге мүмкіндік береді, сондықтан өндіріс есебінен ет бағасының көтерілу факторларын біз байқамадық. Бұл ретте, Өзбекстан тарапынан жоғары сұранысты көріп отырмыз және бұл бағаның өсуіне себеп болды", – деді Ермек Кенжеханұлы.
Вице-министр соңғы аптада баға тұрақтанғанын және оның одан әрі көтерілу факторлары әлі болжанбағанын атап өтті.
"Бүгінгі таңда мал өсірушілер үшін ағымдағы мақсаттарға жылдық мөлшерлеменің 5%-бен жеңілдетілген қаржыландыруды бөлу қарастырылуда. Бұл шара елімізде ет өндірісін одан әрі ынталандыруға мүмкіндік береді. Қазір сиыр етінің болжамды бағасы бір килограмына 2700-3000 теңгені құрайды", – деп жалғастырды Ермек Кенжеханұлы.
Бұған дейін Қостанай облысының Лесное ауылында сирек кездесетін жабайы жануарларды аулаған браконьерлер ұсталғандығы хабарланған болатын.