Әлеуметтік желіде сауда орталығы ғимараты маңында кем дегенде алты полиция көлігі тұрған видео тарады. Алайда онда не болғаны туралы ештеңе жазылмаған.
Алматы полиция департаментінің баспасөз қызметі онда бұзақылық фактісі тіркелгенін хабарлады.
"Бостандық аудандық полиция басқармасы бұзақылық фактісі бойынша қылмыстық іс қозғады. Оқиғаға қатысушылар анықталып, полицияға жеткізілді. Олардың іс-әрекеттеріне құқықтық баға беріледі. Басқа мән-жайы анықталып жатыр", - делінген хабарламада.
Онда жаппай төбелес болуы мүмкін.
