Облыс орталығында трамвай депосына апаратын көпірдің артында 40 жастағы бейтаныс ер адамды пойыз қағып кетті.
Қоңырау сағат 20:00-де түсіп, жедел жәрдем оқиға орнына 7 минутта жеткен, бірақ зардап шеккен ер адам өте ауыр дене жарақатын алғандықтан, оны құтқару мүмкін болмады.
Көліктегі полиция департаментінің баспасөз қызметі қазір бұл іске қатысты қажетті тергеу амалдары жүргізіліп жатқанын хабарлады.
"Павлодар стансасындағы желілік полиция бөлімі абайсызда адам өліміне әкеп соққан жол қозғалысы немесе теміржол көлігін пайдалану қауіпсіздігі ережелерін бұзу фактісі бойынша қылмыстық іс қозғады", - деп хабарлады ведомство.