Ведомствоның атап өтуінше, соңғы уақытта әлеуметтік желілерде азаматтарға ақшалай сыйақы алу үшін басқа елдердің Қарулы Күштерімен келісімшартқа отыруды ұсынатын жарнамалық материалдар мен бейнероликтер тараған.
"Қазақстан Республикасының Қылмыстық кодексінде қарулы қақтығыстарға қатысқаны үшін қылмыстық жауапкершілік шаралары қарастырылған:
- Жалдамалылық белгілері болмаған кезде Қазақстан Республикасы азаматының шет мемлекеттің аумағындағы қарулы қақтығысқа немесе әскери іс-қимылдарға қасақана заңсыз қатысқаны үшін (Қазақстан Республикасы Қылмыстық кодексінің 172-бабы) бес жылдан тоғыз жылға дейінгі мерзімге бас бостандығынан айыру түріндегі жауаптылық көзделген.
- Жалдамалылық (Қазақстан Республикасы Қылмыстық кодексінің 170-бабы) үшін жасалған әрекеттің ауырлығына қарай мүлкі тәркіленіп, жеті жыл мерзімге бас бостандығынан айыру немесе Қазақстан Республикасының азаматтығынан айыра отырып немесе онсыз өмір бойына бас бостандығынан айыру түріндегі жаза қарастырылған", – деп атап өтті Қазақстан Республикасы Ішкі істер министрлігінің баспасөз қызметі.
Ішкі істер министрлігі қазақстандықтарға "Қазақстан Республикасының заңнамасын сақтауды және ауыр құқықтық зардаптарға әкеп соғуы мүмкін әрекеттерге қатысудан бас тартуды" қатаң түрде ұсынады.
2025 жылдың 2 сәуірінде Қазақстанның Ішкі істер министрлігі мектептер мен балабақшалардағы қауіпсіздік шараларын күшейту себебін түсіндірді.