Қозғалған қылмыстық іс аясында күдіктінің тұрғылықты мекенжайына тінту жүргізілді. Нәтижесінде 144 грамнан астам марихуана, 134,2 грамм гашиш, SIM-карталары бар 11 телефон тәркіленді. Бұл деректер оның есірткі саудасымен жүйелі түрде айналысқанын айғақтайды.
Сонымен бірге тінту барысында екі тапанша мен газды және пневматикалық қаруға арналған оқ-дәрілердің табылды. Қазіргі уақытта бұл қарулардың атуға жарамдылығы сараптама арқылы анықталып жатыр.
"Бұл жағдай — есірткі бизнесінің қоғам үшін әлі де үлкен қауіп төндіріп отырғанының айқын дәлелі. Құқық қорғау органдары мұндай қатерлердің алдын алу мақсатында кешенді әрі жүйелі жұмыстар жүргізіп келеді", - делінген полиция таратқан хабарламада.