Іс-шараға жеті мыңнан астам полиция қызметкері жұмылдырылған. 1100-ден астам мобильді топ жұмыс істейді. 2025 жылдың басынан бері 159 мың әкімшілік құқықбұзушылық және 1074 заңсыз қоқыс үйіндісі анықталды.
Жалпы "Таза Қазақстан" акциясы басталғалы бері (2024 жылдың сәуірінен бастап) 1802 стихиялық қоқыс орны анықталды.
441 мыңнан астам әкімшілік құқықбұзушылық тіркелді. Жергілікті атқарушы органдарға бұзушылықтарды жою туралы 1268 ұйғарым жолданып, олар бойынша 1041 қоқыс үйіндісі жойылды.
"Азаматтарды қоршаған ортаға ұқыпты қарауға, тазалық пен тәртіпті сақтауға шақырамыз. Белгіленбеген жерлерде қоқыс тастамаңыздар. Тек бірлесіп қана біз елімізді таза әрі қауіпсіз ете аламыз", – деп атап өтті ІІМ.