Қазақстандық спортшы ресейлік Софья Лансеремен жұптасып, финалда Қытай өкілі Мэйки Го мен Таиланд спортшысы Пеангтарн Плипуечті тізе бүктірді.
Кездесу 6:3, 3:6, 10:8 есебімен аяқталды.
Бұл Сандуғаш үшін ITF аясында өтіп жатқан биылғы маусымдағы төртінші жұптық чемпиондық атақ болды. Бұған дейін ол Түркияның Анталья қаласында өткен жұптық жарыстарда үш рет топ жарған.