Бұл туралы 3 маусым күні оның ұлы Евгений Кубеков Facebook парақшасында жазды:
"Кеше Бургас қаласында әкем Ибрагим Кубеков өмірден өтті деген қайғылы хабарды жеткіземін", – деп жазды ол.
Ибрагим Кубеков 1957 жылы Украин КСР-інің Ворошиловград (қазіргі Луганск) қаласында дүниеге келген. Үш жасында ата-анасымен бірге Алматы қаласына қоныс аударған.
Ол көптеген жылдар бойы баспасөз саласында еңбек етті, әдеби шығармалар мен журнал материалдарына иллюстрациялар салды. 1999 жылы Алматы облысы Есік қаласында алғашқы тәуелсіз апталық аудандық "Иссык" газетін құрды. Ибрагим Кубеков карикатура және шарж жанрындағы суретші ретінде кеңінен танымал. Оның шығармашылығында өмірден алынған, қиялмен байытылған әзіл-сықақ сюжеттер ерекше орын алады.
Zakon.kz редакциясы Ибрагим Кубековтың отбасына және жақындарына қайғыра көңіл айтады.