Видеода жалын соншалық биік көтерілген, көлік жанында тұрған өрт сөндірушінің аман қалуы екіталай деген ой келеді.
Алайда Маңғыстау облысы төтенше жағдайлар департаментінің баспасөз қызметі азаматтарды сабырға шақырып, қызметкер дін аман екенін мәлімдеді.
Аталған оқиға 2025 жылғы 15 маусымда Бейнеу ауылындағы Майлин көшесінде болған.
"Өртті сөндіруге №6 өрт сөндіру бөлімінен 6 қызметкер жұмылдырылды. Зардап шеккендер жоқ. Көліктің не себепті жанғанын мамандар анықтайды", - деді ведомство өкілдері.