Оның айтуынша, қазіргі уақытта қандай да бір болжам жасауға ерте. Қазақстан жағдайды бақылап отыр және қақтығысушы тараптардың бейбіт келісімге келуіне үміттенеді.
"Біз не жоғалтуымыз мүмкін дегенге келсек. Ең алдымен, біз Иранға азық-түлік жеткіземіз. Бұл оқиғалар оған қандай да бір әсер етеді деп ойламаймын. Халықты бәрібір тамақтандыру керек, ел үлкен. Бірақ бізді алаңдататыны – логистика. Оңтүстікке апаратын жалғыз теміржол Иран арқылы өтеді. Басқа теміржолдар жоқ, және, әрине, біз бұл жағдайдың оған әсер етуін қаламаймыз", – деді Серік Жұманғарин.
Министрдің айтуынша, Қазақстанның Иранға экспорты онша үлкен емес, өйткені ирандық теміржолдардың жағдайы жақсы емес. Өткен жылы Қазақстан мен Иран арасындағы тауар айналымы шамамен 350 млн АҚШ долларын құрады. Биылғы жылдың алғашқы бес айында бұл көрсеткіш 120 млн доллардан асты.
"Бізде балама нұсқалар бар. Біз Грузия арқылы ТХКБ (Транскаспий халықаралық көлік бағыты) бағытымен тауар тасымалдай аламыз, Қытайдағы Ляньюньган портын пайдалана аламыз. Бұл логистиканы аздап қиындатады, бірақ егер бұл жағдай ұзақ мерзімді әсер ететін болса, біз түрлі нұсқаларды қарастырып, кәсіпкерлерге көмектесетін боламыз", – деп түйіндеді Жұманғарин.
Бұған дейін Иран Ормуз бұғазын жауып тастаса, мұнай бағасы 90 долларға дейін көтерілуі мүмкін екенін жазғанбыз.