Оның айтуынша, бұл қатаңдату ел аумағында тұрмайтын, қос азаматтығы бар адамдарға бағытталған.
"Біз бұл түзетулерді талқылайтын боламыз. Біз қос азаматтығы бар зейнеткерлердің Қазақстан аумағында тұрмайтынын және елден тыс жерлерге кеткенін анықтадық. Сондықтан қазір қатаңдату тек зейнеткерлерге ғана емес, тіркеу тәртібіне де қатысты жүргізілуде", – деді Жақыпова.
Министр кейбір азаматтардың бір уақытта үш елден зейнетақы алған нақты деректер бар екенін айтып, оларды жариялауға уәде берді.
"Сот процестері аяқталған соң, мен бұл фактілерді ұсына аламын – адамдар қос азаматтықты пайдаланып, бір мезетте Ресей Федерациясынан да, Қазақстаннан да, Өзбекстаннан да зейнетақы алған", – деп толықтырды Жақыпова.
Бұған дейін Қазақстандағы зейнетақының орташа мөлшері аталғанын жазғанбыз.