Оның айтуынша, биыл Денсаулық сақтау министрлігі Кәсіпкерлік кодексі мен "Халық денсаулығы және денсаулық сақтау жүйесі туралы" кодекске балалар болатын нысандарды мемлекеттік бақылауға қатысты өзгерістер енгізіп жатыр.
"Негізгі жаңашылдық – тексерудің күтпеген жерден жүргізілуі. Яғни алдағы тексерістер туралы алдын ала ескерту алып тасталады. Екіншіден, мониторингтік сапарларды енгізу жоспарланып отыр. Бұл санитарлық-эпидемиологиялық бақылау органдарына нысандарға барып, олардың жұмысын бақылауға құқық береді", - деді Қожатова.
Оның мәліметінше, құжат қазір Сенаттың қарауында.
Еске салайық, 2025 жылғы 1 қыркүйектен бастап Қазақстан мектептерінде тамақтану бірыңғай ұлттық стандарт бойынша ұйымдастырылып келеді. Бұл стандарт Денсаулық сақтау және Білім министрліктерімен, Қазақ тағамтану академиясымен ЮНИСЕФ пен Дүниежүзілік денсаулық сақтау ұйымының қолдауымен әзірленген.