"Ақ Жайық" басылымының мәліметінше, 16 қазан күні кешке екі учаскелік полицей "көрші пәтерден шыққан айқай, қатты музыка және боқтық сөздер туралы шағым" бойынша шақыртуға барған.
Сол кезде бір полицей жанжалдасқан ерлі-зайыптыны сабырға шақырмақ болғанда, әйел ас үй пышағын алып, оның арқасына сұғып алған.
"Жарақат алған полиция қызметкеріне медициналық көмек көрсетілді, өміріне қауіп жоқ. 37 жастағы күдікті ұсталды", - делінген хабарламада.
Оқиға бойынша ҚР Қылмыстық кодексінің 380-бабы 6-бөлімі 1-тармағы — "Билік өкіліне қатысты қорқыту немесе күш көрсету әрекеттері" бойынша сотқа дейінгі тергеу басталды.