Бұл туралы 2025 жылғы 17 желтоқсанда мемлекеттік корпорация мәлімдеді.
"Бұл сенімхат арқылы азаматтар МХҚКО-дан дайын құжаттарды ала алады, көлік құралдарын тіркеуді және тіркеуден шығару қызметін, сондай-ақ техникалық паспорттар мен мемлекеттік нөмір белгілерінің телнұсқаларын рәсімдей алады",- делінген ақпаратта.
Ведомство мәліметінше, сенімхатты рәсімдеу бірнеше минутты қажет етеді және электрондық цифрлық қолтаңба арқылы куәландырылады.
"Бұл құжаттың заңды күшін қамтамасыз етіп, дербес деректердің қауіпсіздігін сақтауды қамтамасыз етеді. Қызмет бағасы – 500 теңге. Қызметті пайдалану үшін "ЦОН" мобильді қосымшасына ЖСН және мобильді азаматтар базасында тіркелген телефон нөмірі арқылы авторизациядан өту қажет",- деп мәлімдеді ведомство.
Бұған дейін ҚҚС қайтару жүзеге асырылатын елшіліктер мен дипломатиялық өкілдіктердің тізбесі бекітілгенін жазғанбыз.