Мәжілісменнің айтуынша, кейбір жер қойнауын пайдаланушылар қазақстандық өндірісті қолдан жасап көрсетумен айналысады.
"Біз білеміз, қазақстандық компания деген атаумен шетелден жабдықтар әкеліп, тауарларды осында өндірілгендей етіп жеткізеді. Негізінде ол Қытайдың немесе Ресейдің өнімі", – деді Жаңбыршин.
Ол мұндай жағдайлардың бар екенін ерекше атап өтті.
"Сіздер жеткізушілерге барып, шын мәнінде өзі өндіріп отыр ма, әлде сырттан әкеліп, тек құрастырып немесе жай ғана таңбасын өзгертіп жеткізе ме – соны тексерулеріңіз керек. Ал сіздер мұны бақыламай отырсыздар", – деп қосты депутат.
Бұған дейін Алматы әкімдігінің өкілдері апатты ғимараттың бұзылуына қатысты түсініктеме бергенін жазғанбыз.