Хабарламада кейбір рейстердің уақытша кестесі өзгеретіндігі айтылған.
"Өзгерістер Астанадан Алматы, Қостанай, Өскемен, Атырау және Ақтөбе қалаларына тұрақты рейстерге, сондай-ақ Сеул, Франкфурт, Бейжің, Ташкент, Дубай, Фукуок, Нячанг және Стамбул бағыттарына әсер етеді. Авиакомпания рейстеріне түзетулер енгізілген жолаушыларды брондау кезінде көрсетілген байланыс деректері арқылы хабардар етеді", – делінген Air Astana хабарламасында.
Рейстің ағымдағы мәртебесін тексеруге болады:
Брондау және ақпарат орталығы: help.airastana.com
Телефондар: +7 727 244 4477, +7 702 702 4477, +7 727 244 4478 (рейс кешіктірілсе немесе тоқтатылса), +7 702 702 0074 (WhatsApp)
Онлайн чат: airastana.com
Астана әуежайы алдын ала хабарлағандай, көрсетілген кезеңде ұшу-қону жолағы күн сайын 10:00-ден 18:00-ге дейін уақытша жабылады. Жұмыстар жоспарлы сипатта жүргізіледі.