Орал қаласы ПБ Абай полиция бөлімінің криминалдық полиция қызметкерлері қылмысты жедел түрде ашты.
Анықталғандай, 33 жастағы әйел сауда үйіндегі зергерлік дүкенге сатып алушы болып барып, құны шамамен 600 мың теңге тұратын алтын алқаны ұрлаған.
Күдіктінің жеке басын анықтау мақсатында криминалисттер жасанды интеллект негізіндегі аппараттық-бағдарламалық кешенді қолданды, ол бет-әлпетті тануға және тұлғаны сәйкестендіруге мүмкіндік береді.
Ұрланған мүлік тәркіленді. Әйелге қатысты сотқа дейінгі тергеу жүргізіліп жатыр.
ҚР ҚПК-нің 201-бабына сәйкес өзге ақпарат жария етуге жатпайды.