Журналистер Энергетика министрлігінің Қазақстанда үш жаңа ЖЭО салу мәселесінде ресейлік қаржыландырудан түбегейлі бас тартқан-тартпағанын сұрады.
"Иә. Үш ЖЭО-ның құрылысы "Самұрық-Энерго" АҚ-ға тапсырылды. EPC-келісімшарттар жасалды, олардың аясында ресейлік мердігерлер жоқ. Құрылысты қазақстандық компаниялар жүргізеді. Көкшетау ЖЭО-сының құны шамамен 350 млрд теңге, ал Семей мен Өскемендегі екі ЖЭО-ның құны шамамен 400 млрд теңгені құрайды, себебі олардың қуаты жоғары", – деді Сунғат Есімханов.
Сондай-ақ, оның айтуынша, жалпы қуаты 2,5 ГВт болатын 11 қолданыстағы энергия көзін жаңғырту бюджет қаражаты есебінен емес, қарыз қаражаттарын тарту арқылы жүзеге асырылады.
Бұған дейін Сунғат Есімханов Павлодардағы ЖЭО-2-нің алдағы тағдыры туралы да пікір білдірген болатын.