Болжамға сәйкес, антициклон жотасы республиканың басым бөлігіне әсер етеді, сондықтан көптеген өңірлерде жауын-шашынсыз ауа райы сақталады.
"Тек батыста, шығыста және солтүстіктің шеткі аймақтарында атмосфералық фронттардың өтуіне байланысты жаңбыр мен найзағай күтіледі. Шығыста түнгі уақытта жауын-шашын (жаңбыр, қар) болуы мүмкін. Республика бойынша жел күшейеді, ал оңтүстік пен батыста шаңды дауыл тұруы ықтимал", – делінген "Қазгидромет" РМК баспасөз қызметінің хабарламасында.
Болжамға сәйкес, елдің бірқатар өңірлерінде суық түссе, бір аймақта керісінше жазғы аптап болады:
- -1…-3°С үсік – түнде Ақмола, Қарағанды, Шығыс Қазақстан облыстарының солтүстігі мен шығысында, Павлодар облысының батысы мен солтүстігінде, Абай облысының батысында, Солтүстік Қазақстан облысының шығысында, Жетісу облысының таулы аудандарында күтіледі;
- +35°С дейінгі қатты ыстық – күндіз Атырау облысында болжанып отыр.
Сонымен қатар, республика аумағының бірқатар өңірлерінде өрт қаупі сақталып, кей жерлерде күшейе түседі:
- жоғары өрт қаупі – Ұлытау облысында, Қарағанды облысының батысы мен солтүстігінде, Түркістан облысында, Алматы облысының батысында, Жамбыл облысында, Қызылорда облысының солтүстігі мен орталығында, Ақтөбе облысының оңтүстігінде, Маңғыстау облысының солтүстік-шығысында, Ақмола облысының оңтүстігінде, Павлодар облысының батысы, шығысы және оңтүстігінде, Абай облысының шығысында, Шығыс Қазақстан облысының орталығында;
- жоғары өрт қаупі Атырау облысының солтүстік-батысында күтіледі;
- төтенше өрт қаупі Қызылорда облысының оңтүстігі мен шығысында, Ақтөбе облысының оңтүстігінде, Жетісу облысының оңтүстік-шығысында сақталады;
- төтенше өрт қаупі Қарағанды облысының оңтүстігінде күтіледі.