AlmatyJoly Telegram-арнасының ақпаратына сүйенсек, Алатау ауданындағы Теректі шағынауданында Айнамалы көшесінде (Мартөк көшесінен Орталық көшесіне дейінгі аралықта) су құбыры мен кәріз жүйесінің тарату желілерін салу жұмыстары жүргізіліп жатыр.
Құрылыс-монтаж жұмыстары жүргізілетіндіктен, 2026 жылы 3 маусым мен 3 шілде аралығында аталған учаскеде автокөлік қозғалысы уақытша шектеледі.
Сурет: Telegram/AlmatyJoly
Жүргізушілер мен жүргіншілерден бағыттарын алдын ала жоспарлап, жол қозғалысын ұйымдастырудағы өзгерістерді ескеру сұралды.
Қауіпсіздікті қамтамасыз ету үшін уақытша жол белгілері, бағыттағыштар мен қоршаулар орнатылады.
Бұған дейін Бурабайға, Балқаш пен Алакөлге көлікпен қалай қай бағыттар арқылы жайлы жетуге болатындығын жазғанбыз.