Қазгидромет мәліметінше, Солтүстік Қазақстанға циклон жақындап, жаңбыр, найзағай, бұршақ, желдің күшеюі және шаңды дауылдар күтіледі. Соның әсерінен солтүстік және орталық өңірлерде ұзаққа созылған ыстықтан кейін ауа температурасы төмендеп, +23…+28°C шамасында жайлы ауа райы қалыптасады.
Алайда синоптиктердің айтуынша, еліміздің оңтүстік және шығыс аймақтарында жағдай басқаша болады. Бұл өңірлерге Өзбекстан аумағынан құрғақ әрі ыстық ауа массаларының келуі жалғасып, ауа температурасы +33…+38°C аралығында сақталады. Кей жерлерде аптап ыстық +40°C-қа дейін жетуі мүмкін.
Бұған дейін Қазгидромет 22 маусымға арналған дауылды ескерту жариялап, Астана мен Шымкентті қоса алғанда, 17 облыста қауіпті метеожағдайлар күтілетінін хабарлаған болатын.