Қазақстанда 14 түрлі жәрдемақы жаңа қағидат бойынша тағайындалады: не өзгереді

Фото: Zakon.kz/Максим Золотухин
Қазақстанда 14 түрлі жәрдемақыны тағайындау тәртібі өзгереді. Жаңа тәсіл қалай қолданылатынын бүгін, 2026 жылғы 28 қыркүйекте Еңбек және халықты әлеуметтік қорғау министрлігінің баспасөз қызметі түсіндірді, деп хабарлайды Zakon.kz.

Қазір әлеуметтік қорғау жүйесінде республикалық бюджет есебінен мемлекеттік жәрдемақының 39 түрі қарастырылған. Жаңа тәсіл бойынша олардың 14-і азаматтардың мұқтаждық деңгейін ескере отырып тағайындалады.

Министрліктің мәліметінше, өзгерістер Отбасының цифрлық картасында әл-ауқаты жоғары немесе ауқатты деп белгіленген "А" және "В" санатындағы төлем алушыларға ғана қатысты болады.

Бұл тізімге мыналар кіреді:

Жаңа тәртіп әр төлемнің түріне қарай қолданылатын болады. Бұл азаматтың барлық төлемді алу құқығы автоматты түрде сақталады дегенді білдірмейді.

"Егер бірінші топтағы мүгедектігі бар адам мүгедектігі бойынша жәрдемақы алып жүрсе, бұл төлем сақталады. Ал оның басқа төлемге, мысалы, бала тууына байланысты төлемге құқығы пайда болса, ол мұқтаждық деңгейін ескере отырып тағайындалады", – деп түсіндірді министрліктің баспасөз қызметі.

Осылайша, ведомствоның мәліметінше, әр төлем оны тағайындау негізі мен азаматтың оған мұқтаждығы ескеріле отырып, жеке қаралады.

Бұған дейін, 2026 жылғы 24 қыркүйекте, Қазақстанда азаматтар толық мемлекеттік қамсыздандыруда болған кезде қаржыландыру тәртібін жетілдіру ұсынылғаны хабарланған еді. Соған сәйкес арнаулы орталықтар мен колонияларда зейнетақы мен жәрдемақы төлеу тәртібін өзгерту көзделіп отыр.

Қазақстан
Алматы
Астана

Оқи отырыңыз

Жаңалықтан zakon.kz сайтында хабардар болыңыз:

Танымал жаңалықтар

Құрылтай жанындағы жаңа алаң жастардың елдің қоғамдық өміріне белсенді қатысуына жол ашады

Қасым-Жомарт Тоқаев ауыл шаруашылығы еңбеккерлерін марапаттады

Халқы ең жас елдер анықталды: Қазақстан нешінші орында

"Мұндай ауқым бұрын-соңды болмаған": Дубай тарихтағы ең ірі әуежай көшіне дайындалып жатыр

Алматының барлық сегіз ауданында 19 ашық мұз айдыны ашылады