М.Ломоносов атындағы ММУ филиалы Қазақстанда 25 жылдан бері студенттер қабылдап келеді – Тоқаев

Фото: akorda.kz
Мемлекет басшысы Қасым-Жомарт Тоқаев Қазақстандағы шетелдік жоғары оқу орындарының филиалдары мен білім беру инфрақұрылымын дамыту жұмыстарына тоқталды, деп хабарлайды Zakon.kz.

Президенттің айтуынша, әлемнің жетекші оқу орындарымен серіктестік орнату бағытындағы ауқымды ұйымдастыру жұмыстарының бірінші кезеңі аяқталған. Осы орайда ол Ғылым және жоғары білім министрі Саясат Нұрбекке алғысын білдірді.

Мемлекет басшысы М. Ломоносов атындағы Мәскеу мемлекеттік университетінің Қазақстандағы филиалы 25 жылдан бері жемісті жұмыс істеп келе жатқанын атап өтті.

Оның айтуынша, бұл оқу орны Қазақстан мен Ресейдің білім және ғылым саласындағы тиімді ынтымақтастық алаңына айналған. Жуырда филиалдың 25 жылдық мерейтойына орай жаңа оқу корпусы пайдалануға берілді.

Сонымен қатар былтыр Астанада Мәскеу мемлекеттік халықаралық қатынастар институтының филиалы ашылды. Оқу орны дипломатия, экономика және цифрлық технологиялар бағыттары бойынша сұранысқа ие мамандар даярлауға кірісті. Қазір институтқа арналған жаңа ғимараттың құрылысы да қолға алынған.

Президент білім беру және ғылыми-инновациялық инфрақұрылымды жаңғырту жұмыстары жалғасып жатқанын жеткізді.

Қазақстан
Қасым-Жомарт Тоқаев
Астана

Оқи отырыңыз

Жаңалықтан zakon.kz сайтында хабардар болыңыз:

Танымал жаңалықтар

"Қар, көктайғақ, бұрқасын". Бейсенбіде еліміздің бірқатар өңірлерінде дауылды ескерту жарияланды

"СҚ-Фармация" сатып алуларындағы отандық дәрілер мен медициналық бұйымдар түрі соңғы үш жылда 42%-ға көбейді

"Тарихта алғаш рет" – Ресей Жоғарғы сотының төрағасы Тоқаевқа маңызды келісім туралы айтты

Қоғам қайраткері Мұхтар Құл-Мұхаммедтің кітабы жарық көрді

Евро-2028 іріктеу ойындарының жеребесінде Қазақстан төртінші себетке "түсті"