Синоптиктердің мәліметінше, тек елдің шығысында ғана күн негізінен жауын-шашынсыз болады.
"Алдағы күндері солтүстік-батыстан бірінен соң бірі келетін циклондар Қазақстанның басым бөлігіндегі ауа райына әсер етеді. Алдымен батыс өңірлерде, кейін елдің солтүстік-батысы мен солтүстігінде күн райы құбылып, жаңбыр мен қар жауады. Елдің солтүстігінде көктайғақ күтіледі", – деп хабарлады "Қазгидрометтің" баспасөз қызметі.
Сондай-ақ ел аумағында жел күшейіп, тұман түседі.
"Ауа температурасы айтарлықтай өзгермейді", – делінген болжамда.
Бұған дейін синоптиктер 2026 жылғы 20 қарашада Қазақстанда ауа райы күрт нашарлайтынын ескерткен еді. Осыған байланысты елдің 17 облысында дауылды ескерту жарияланды.