Әнші Жазира Байырбекова ара-тұра «жұлдыз ауруына» шалдығатынын мойындады, деп жазады Stan.kz.
«Жазира шын өмірде саxнадағыдай емес», – деп кейбіреулер айтса дұрыс айтады, сеніңіздер.
Жай жүргенде саxналық көйлекпен жүрмеймін, макияж жасамаймын, қабағым түйіліп жүретін кездер де, жымиып қуанып жүретін кездер де болады, тез ашуланып, тез басыламын», – деп жазды әнші Instagram-парақшасында.
Айтуынша, бүгін ғана өзін әуежайда күтіп алған адамдарға аңдаусызда мінез көрсетіп қойған.
«Күнде таңғы сағат 5-6 да әуежайға шығып, түнгі екіге дейін жүріп, тәулігіне 1-2 сағаттан ғана ұйықтап жүрген күндері xалықтың тілімен айтқанда «жұлдыз ауруымен» ауырып қаламын. Жаңа ғана ұшақтан күтіп алған кісілерге сәл ғана ұнамай қалған істері үшін сабыр сақтамай кішігірім мінез көрсетіп, 5-10 минуттық «жұлдыз ауруымен» ауырдым», – дейді Байырбекова.
Десе де әнші ара-тұра артыңнан жағымсыз сөздердің ергені де дұрыс дейді. Себебі…
«Иә, ондай ондай болып тұрады арасында. Үнемі мақтау ести бергеннен, арасында тіл-көз өтпеу үшін артыңнан жаман сөздің де боланы дұрыс дейді білетіндер. Кейде періште емес пенде екеніңді, ашуланатын, мұңаятын, қуанатын кездеріміздің болатынын несіне жасырамыз…Қалай болғанда да өмірді сүйемін. Өмір деген ол сіздер!» – деп ағынан жарылды әнші.
